Vaji I ullirit ekstra I virgjër, përbërësi kryesor i dietës mesdhetare, është një gur themeli jetik. Përparësitë e tij të pakrahasueshme shëndetësore janë zbuluar në studime të panumërta, dhe ai e shndërron çdo pjatë që prek në një kryevepër të parezistueshme.

Pavarësisht nga fakti se kultivimi i ullirit dhe nxjerrja e vajit kanë qenë në praktikë për mijëvjeçarë, “ari i lëngshëm” mbetet i mbuluar me mister për shumicën. Reklamat befasuese dhe informacionet kontradiktore vetëm sa e përkeqësojnë mungesën e qartësisë.

Ndërkohë që kurse të tëra, madje edhe kurrikula kolegjesh të ndryshme, i kushtohen prodhimit, përfitimeve shëndetësore dhe aplikimeve kulinare të këtij elementi jetik, ka disa fakte themelore që të gjithë duhet të jenë të vetëdijshëm.

Jo të gjithë vajrat e ullirit janë prodhuar njëlloj dhe ata nuk kanë të njejtat karakteristika.

Fermerët dhe prodhuesit e ullirit përballen me një sërë kushtesh që ndryshojnë vazhdimisht dhe marrin vendime bazuar në burimet e tyre dhe tregun e synuar.

Për të arritur kulmin e cilësisë - vaj ulliri ekstra i virgjër - prodhuesit duhet të menaxhojnë me mjeshtëri çdo aspekt të prodhimit, me shpenzime shtesë. Që një vaj të quhet ekstra I virgjër duhet të jetë pa defekte në shije dhe aromë dhe duhet të kalojë ekzaminimr të gjera laboratorike.

Vaji ekstra i virgjër sundon me cilësi supreme.

Vaji i jashtëzakonshëm ekstra i virgjër i ullirit jo vetëm që e ngjall qiellzën, por gjithashtu ofron avantazhe superiore shëndetësore kur krahasohet me klasat më të ulëta, si vaji i ullirit i virgjër ose i thjeshtë.

Edhe midis vajrave ekstra të virgjër, ekzistojnë pabarazi në cilësi dhe vlerë. Për shembull, ata me nivele të larta të antioksidantëve kanë një jetëgjatësi më të gjatë dhe përmbajnë më shumë nga lëndët ushqyese të lakmuara, duke i bërë ata të vlejnë më shumë.

Hidhërimi është një virtyt pozitiv.

Ullinjtë e freskët japin hidhërim, duke e bërë vajin që rezulton po aq të hidhur. Kjo hidhësi është tregues i lëndëve ushqyese të dobishme që gjenden në vajin e ullirit ekstra të virgjër me cilësi të lartë.

Për fat të mirë, është rritur numri I konsumatorëve që janë ndërgjegjësuar duke pranuar shijet e hidhura. Në industri të tjera, si birra, çokollata dhe kafeja, hidhësia lidhet me produkte të punuara me mjeshtëri dhe popullariteti i saj është në rritje.

Vaji i ullirit përshtatet me të gjitha mënyrat e gatimit

Është e njohur gjerësisht se vaji i ullirit mund të zëvendësojë yndyrnat e pashëndetshme në pothuajse çdo recetë.

Qoftë për pjekje, tiganisje apo skuqje të thellë, përdorimi i vajit të ullirit ekstra të virgjër në vend të gjalpit ose vajrave të farave të ndryshme rezulton në opsionin më të shëndetshëm dhe vaktet më të këndshme.

Vaji i ullirit prishet.

Cilësia e vajit të ullirit ekstra të virgjër bie dhe vaji I ullirit mund të prishet nëse nuk ruhet siç duhet, për shkak të ekspozimit ndaj ajrit, nxehtësisë dhe dritës. Në shumë raste, vaji nuk është më ekstra i virgjër në kohën kur konsumohet.

Kur blini vaj ulliri, kërkoni në etiketë datën e korries së ullirit që të siguroheni që vaji nuk është I vjetër. Sa më afër, aq më mirë. Nëse është e disponueshme vetëm një datë "më e mirë deri", sigurohuni që të jetë së paku një vit larg. Ruajeni vajin në enë të mbyllura dhe mos e ekspozoni ndaj ajrit apo dritës duke lenë enët hapur.